កាលពីថ្ងៃសុក្រសប្តាហ៍មុន ក្រុមហ៊ុនហ្វតតេ មានសេចក្ដីសោមនស្សរីករាយក្នុងការរៀបចំកម្មវិធីសិក្ខាសាលាមួយក្រោមប្រធានបទ “ការធ្វើដំណើរប្រកបដោយភាពជឿជាក់” ដែលផ្តោតទៅលើសារៈសំខាន់នៃការធានារ៉ាប់រងលើការធ្វើដំណើរ ។ សិក្ខាសាលានេះ ត្រូវបានប្រារព្ធឡើងដោយមានការអញ្ជើញចូលរួមជាគណៈអធិបតីពីសំណាក់ លោកជំទាវ ឆាយ ស៊ីវលីន ប្រធានសមាគមទេសចរណ៍កម្ពុជា និងលោក យក់ ចំរើនឫទ្ធិ ប្រធានអគ្គនាយកប្រតិបត្តិរបស់ក្រុមហ៊ុនហ្វតតេ ព្រមទាំងមានអ្នកចូលរួមប្រមាណជា ១០០ នាក់ ពីបណ្តាក្រុមហ៊ុនទេសចរណ៍នានា។

សិក្ខាសាលានេះ មានគោលបំណងក្នុងការពង្រឹង និងលើកកម្ពស់វិស័យទេសចរណ៍ក្នុងប្រទេសកម្ពុជា ដោយបញ្ជ្រាបនូវការយល់ដឹងពីសារៈប្រយោជន៍ក្នុងការទទួលបានការការពារពីសេវាកម្មធានារ៉ាប់រង ក្នុងការការពារអតិថិជន និងអាជីវកម្មរបស់គាត់។

ក្រុមហ៊ុនយើងខ្ញុំសូមថ្លែងអំណរគុណយ៉ាងជ្រាលជ្រៅជូនចំពោះ លោកជំទាវ ឆាយ ស៊ីវលីន និងភ្ញៀវកិត្តិយសទាំងអស់ដែលបានចូលរួមកម្មវិធីសិក្ខាសាលានេះ។