ការពារអាជីវកម្មរបស់លោកអ្នកនៅថ្ងៃនេះ ។

រាល់ការដឹកទំនិញនីមួយៗតែងប្រឈមមុខទៅនឹងគ្រោះថ្នាក់ជាច្រើនក្នុងពេលធ្វើដំណើរ ចាប់តាំងពីពេលចេញពីរោងចក្ររហូតពេលទៅដល់គោលដៅចុងក្រោយ ខណៈពេលដែលទំនិញទាំងនោះ ត្រូវបានដឹកតាមអាកាស តាមសមុទ្រ ឬតាមផ្លូវដែក/ផ្លូវថ្នល់ ឬ តាមរយៈមធ្យោបាយដឹកជញ្ជូនផ្សេងៗ។

ក្រុមហ៊ុនហ្វតតេ ផ្តល់ជូននូវការការពារដែលមានភាពបត់បែនបានទៅតាមតម្រូវការរបស់លោកអ្នក ប្រភេទទំនិញ គោលដៅ និងមធ្យោបាយដឹកជញ្ជូនរបស់លោកអ្នក។ ក្រុមការងារអ្នកជំនាញវាយតម្លៃហានិភ័យកំណត់បុព្វលាភលាភធានារ៉ាប់រងរបស់យើងខ្ញុំមានបទពិសោធន៍ច្រើន ហើយយើងខ្ញុំទទួលស្គាល់ថា អាជីវកម្មរបស់លោកអ្នកមានលក្ខណៈពិសេសរៀងៗខ្លួន។

បណ្ណសន្យារ៉ាប់រង ទំនិញក្នុងអំឡុងពេលនៃការដឹកជញ្ជូន របស់យើងខ្ញុំផ្តល់ជូននូវសំណងធានារ៉ាប់រងសម្រាប់ការខាតបង់ ឬខូចខាតដែលបណ្តាលមកពីបញ្ហាប្រឈមច្រើនប្រភេទ ក្នុងកំឡុងពេលដែលទំនិញរបស់លោកអ្នកកំពុងធ្វើដំណើរ ដូចជាអគ្គិភ័យ ចោរលួច ការផ្ទុះ នាវា ឬយានត្រូវបានជាប់គឿងលើច្រាំង ជាប់គឿងលើបាតទន្លេ ការលិចនាវា ការធ្លាក់ចេញពីនាវាដោយសាររលក ការក្រឡាប់យានដឹកទំនិញតាមផ្លូវគោក ឬការក្រឡាប់រថភ្លើង និងគ្រោះធម្មជាតិដូចជា ការរញ្ជូយដី ការផ្ទុះភ្នំភ្លើង ឬរន្ទះ ជាដើម។

យើងមានបណ្តាញភ្នាក់ងារក្រុមហ៊ុន Lloyd ជាង២៦០ក្រុមហ៊ុន ទូទាំងពិភពលោកនាពេលបច្ចុប្បន្ននេះ។ ពួកយើងផ្តល់សេវាកម្មទាន់ពេលវេលាសម្រាប់ការស៊ើបអង្កេតការទាមទារសំណងធានារ៉ាប់រង ពីជាង ១៧០ប្រទេសទូទាំងពិភពលោក។ ជំនាញ និងគរុកោសល្យរបស់ពួកគាត់ ផ្គួបផ្សំជាមួួយបទពិសោធន៍នៃការវាយតម្លៃហានិភ័យកំណត់បុព្វលាភលាភធានារ៉ាប់រងរបស់យើងខ្ញុំ នឹងផ្តល់ជូនលោកអ្នកនូវការធានារ៉ាប់រងមួយដែលល្អដាច់គេក្នុងទីផ្សារ ជាមួយនឹងសេវាកម្មនៃការទាមទារសំណងដែលគួរឲ្យទុកចិត្តបំផុត។

តើបណ្ណសន្យារ៉ាប់រងទំនិញក្នុងអំឡុងពេលនៃការដឹកជញ្ជូនធានាលើអ្វីខ្លះ?

Forte’s Marine Cargo Insurance covers your cargo according to the Institute clauses used worldwide including Institute Cargo Clause A, Institute Cargo Clause B, and Institute Cargo Clause C for sea voyages and Institute Cargo Clause Air for air shipments.

You also can opt to extend your insurance for war and strike cover for sea shipments.

ករណីមិនធានា

បណ្ណសន្យារ៉ាប់រងនេះមិនធ្វើការធានាលើករណីខាងក្រោមនេះទេ៖

អំពើដោយចេតនារបស់អ្នកដែលត្រូវបានធានារ៉ាប់រង
ការលេចធ្លាយ ឬការលេចជ្រាបធម្មតា ការបាត់បង់ទម្ងន់ ឬបរិមាណ ភាពសឹករិចរិល
ការវិចខ្ចប់មិនត្រឹមត្រូវ
និន្នាការនៃការខូចខាតជាធម្មជាតិ
ការពន្យាពេលដឹកជញ្ជូន
ការបាត់បង់លទ្ធភាពហិរញ្ញវត្ថុ របស់ម្ចាស់នាវា ឬអ្នកគ្រប់គ្រងនាវា ឬអ្នកជួលនាវា ឬប្រតិបត្តិករនាវា
នាវាឬយានផ្ទុកណាមួយដែលមិនមានលក្ខណៈសមស្របសម្រាប់ ការធ្វើដំណើរតាមសមុទ្រ ឬផ្លូវទឹកដោយសុវត្ថិភាព
កប៉ាល់ យាន មធ្យោយ បាយដឹកទំនិញ កុងតឺនឺ ឬឡានលើកដាក់ទំនិញ ដែលមិនមានលក្ខណៈ សមស្របសម្រាប់ ការដឹកទំនិញដែលត្រូវបានធានារ៉ាប់រងដោយសុវត្ថិភាព។
សង្រ្គាម ឬសង្រ្គាមស៊ីវិល ឬការបដិវត្តន៍ ឬការបះបោរ ការប្រឆាំងរដ្ឋាភិបាល។ល។
អាវុធអាតូមិកនៃសង្រ្គាម
ការចាប់យក ឬការរឹបអូស ឬការចាប់ខ្លួន ឬការកំហិត ឬការឃាត់ខ្លួន
កូដកម្ម ឬកម្មករ ដែលត្រូវបានរារាំងមិនឲ្យចូលកន្លែងធ្វើការរហូតដល់ ពួកគេ យល់ព្រមលក្ខខណ្ឌជាក់លាក់ដែលផ្តល់ដោយ និយោជក
វិទ្យុសកម្ម
ការបំផ្លិចបំផ្លាញដោយចេតនា លើទំនិញដែលត្រូវបានធានារ៉ាប់រង

(សម្រាប់ព័ត៌មានលម្អិតនៃករណីមិនធានា សូមមើលបណ្ណសន្យារ៉ាប់រងលម្អិត)

ត្រូវការជំនួយមែនទេ

សូមទាក់ទងមកកាន់អ្នកជំនាញរបស់យើង ដើម្បីស្វែងយល់បន្ថែមតាមរយៈលេខ ០២៣ ៨៨៥ ០៧៧ ឬធ្វើការស្នើសុំដើម្បីឱ្យក្រុមការងារយើងទាក់ទងទៅលោកអ្នកវិញ យើងនឹងឆ្លើយតបទៅលោកអ្នកវិញឱ្យបានឆាប់តាមដែលអាចធ្វើបាន។

ស្នើសុំជំនួយ

ស្នើសុំការទាក់ទងត្រឡប់មកវិញ

ស្នើសុំជំនួយ

ស្នើសុំការទាក់ទងត្រឡប់មកវិញ

ការទាមទារសំណងធានារ៉ាប់រង

ក្នុងករណីដែលមានការទាមទារសំណងធានារ៉ាប់រងណាមួយ៖

លោកអ្នកត្រូវផ្តល់ដំណឹងទៅកាន់ភ្នាក់ងារស៊ើបអង្កេតសំណងធានារ៉ាប់រងដែលមានបញ្ជាក់ឈ្មោះនៅលើបណ្ណសន្យារ៉ាប់រងរបស់លោកអ្នកភ្លាម
ធ្វើការទាមទារសំណងភ្លាមៗពីក្រុមហ៊ុនដឹកជញ្ជូន អាជ្ញាធរកំពង់ផែ ឬអ្នកជាប់ពាក់ព័ន្ធផ្សេងៗទៀតសម្រាប់ទំនិញដែលបាត់បង់
លោកអ្នកមិនត្រូវផ្តល់បង្កាន់ដៃទទួលស្គាល់ទំនិញពេញលេញទេប្រសិនបើទំនិញស្ថិតក្នុងស្ថានភាពមិនច្បាស់លាស់
ប្រសិនបើទំនិញត្រូវបានដឹកជញ្ជូនមកតាមរយៈកុងតឺន័រ លោកអ្នកត្រូវប្រាកដថាកុងតឺន័រ និងសោររបស់វាត្រូវបានត្រួតពិនិត្យភ្លាមៗដោយមន្ត្រីទទួលបន្ទុក ។
ប្រសិនបើកុងតឺន័រដែលដឹកជញ្ជូនមកដល់មានការខូចខាត ឬសោររបស់វាមានការខូចខាត ឬបាត់បង់ ឬជាសោរមួយផ្សេងពីសោរដែលបានបញ្ជាក់ក្នុងឯកសារដឹកជញ្ជូន លោកអ្នកត្រូវបញ្ជាក់ឲ្យច្បាស់ក្នុងបង្កាន់ដៃទទួលទំនិញ ហើយប្រមូលទុកនូវសោរដែលខូច ឬសោរដែលមិនប្រក្រតីនោះ សម្រាប់ការផ្ទៀងផ្ទាត់តាមក្រោយ។
ដាក់ពាក្យស្នើសុំការស៊ើបអង្កេតពីទំហំខូចខាតជាមួយក្រុមហ៊ុនដឹកជញ្ជូនទំនិញ និងអ្នកតំណាងក្រុមហ៊ុនពាក់ព័ន្ធផ្សេងៗទៀត ប្រសិនបើការខូចខាតទំនិញពិតជាជាក់លាក់ ហើយធ្វើការទាមទារសំណងពីក្រុមហ៊ុនទាំងនោះសម្រាប់ទំនិញដែលបាត់បង់ជាក់ស្តែង ឬការខូចខាតដែលបានរកឃើញពីការស៊ើបអង្កេតទំហំខូចខាតនោះ។
ជូនដំណឹងជាលាយល័ក្ខអក្សរទៅកាន់ក្រុមហ៊ុនដឹកជញ្ជូន ក្រុមហ៊ុនពាក់ព័ន្ធផ្សេងៗទៀត ក្នុងរយៈពេល ៣ថ្ងៃបន្ទាប់ពីថ្ងៃទម្លាក់ទំនិញ។

សម្រាប់ព័ត៌មានបន្ថែម សូមទូរស័ព្ទមកយើងខ្ញុំតាមរយៈ (+៨៥៥) ០៩៥ ៥៥៥ ៣២៨ ឬទាក់ទងមកក្រុមការងាររបស់យើងតាមរយៈអ៊ីម៉ែល៖ claims_pem@forteinsurance.com ។

ពាក្យស្នើសុំទាមទារសំណងធានារ៉ាប់រង